2026an 40 urte bete ditugu. Eta ospatu egin nahi dugu, harro baikaude denbora honetan egindako bideaz. Garlanek hazkunde iraunkorra izan du, jarduera dibertsifikatuz eta bere bazkide kooperatibistei eskaintzen dizkien zerbitzuak zabalduz. Horrela 700 familia baino gehiagok nekazal jarduera garatzen jarraitu ahal izatea lortu du. 40 urte hauetan enplegua, aberastasuna, lurralde-oreka, Km0 elikagaiak eta nekazaritzako elikagaien eta abeltzaintzaren industriarako kalitatezko produktuak eskaini ditugu.
Baina urteurren honetan ezinbestekoa da etorkizunera begiratzea, lehen sektoreak gaur egungo testuinguruan dituen erronkei buruz elkarrekin hausnartzeko: klima-aldaketa, nazioarteko gatazken eragina eta geopolitika, EBko nekazaritzako elikagaien politika, osasuna, belaunaldien arteko erreleboa edo teknologiaren eklosioa dira aurrean ditugun horietako batzuk. Nahi dugu 40. urteurrena izatea horiei elkarrekin nola aurre egin hausnartzeko bulkada.
Ospakizunaren ekitaldia datorren ekainaren 18an izango da, Europa Biltzar Jauregian. Bertan, hausnarketarako eta ospakizunerako espazioa eskainiko dugu, gure bazkideekin, lankideekin, bezeroekin, hornitzaileekin, laguntzaileekin eta erakundeetako ordezkariekin batera.
PROGRAMA
- 9:45 – Harrera
- 10:00 – Ongi etorri instituzionala
- 10:30 – 1. hitzaldia: Testuinguru geopolitikoa, kooperatibismoa eta belaunaldien arteko erreleboa
- Gabriel Trenzado (Espainiako Nekazaritzako Elikagaien Kooperatiben zuzendari nagusia)
- 11:00 -2. Hitzaldia: Nekazaritza-ekoizpenaren erronka gaur egungo munduan
- José Miguel Mulet (Valentziako Unibertsitate Politeknikoko unibertsitate-katedraduna. Ikertzailea, idazlea eta zientzia-dibulgatzailea)
- 11:30 – Mahai-ingurua: Nork landuko du etorkizuna?
- José Miguel Mulet (Valentziako Unibertsitate Politeknikoko unibertsitate-katedraduna. Ikertzailea, idazlea eta zientzia-dibulgatzailea)
- Gabriel Trenzado (Espainiako Nekazaritzako Elikagaien Kooperatiben zuzendari nagusia)
- Oscar de Íscar (Espainiako Nekazaritzako Elikagaien Kooperatibetako Gazteen Lantaldeko lehendakaria eta mahastizaina)
- Bastien Sachet (CEO Earthworm Foundation)
- 12:30 – Aintzatespenak
- 13:00 – Brindisa eta koktela